ફરિયાદમાં વધુમાં જણાવાયું છે કે, આ ઘટના બાદ આરોપીએ સગીરાને વધુ ત્રણેક વખત પોતાના ઘરે બોલાવી તેની સાથે દુષ્કર્મ આચર્યું હતું. આ દરમિયાન સગીરા ગર્ભવતી બની હતી. સગીરાના પરિવારને ઘટનાની જાણ થયા બાદ સમગ્ર મામલો પોલીસ સુધી પહોંચ્યો હતો. કેસ સામે આવ્યા બાદ ગાંધીગ્રામ પોલીસે તપાસ શરૂ કરી આરોપીની ધરપકડ કરી છે. પોલીસ હવે સમગ્ર ઘટનાની વધુ તપાસ કરી રહી છે અને સગીરાના નિવેદન સહિત અન્ય પાસાંની પણ તપાસ કરવામાં આવી રહી છે. આ ઉપરાંત ઘટનામાં અન્ય કોઈ વ્યક્તિની સંડોવણી છે કે નહીં અથવા અન્ય કોઈ હકીકત છુપાયેલી છે કે કેમ તે દિશામાં પણ તપાસ હાથ ધરવામાં આવી છે.

પોલીસ અધિકારી રાજેશ બારિયાએ જણાવ્યું છે કે, સગીરાને પ્રેમજાળમાં ફસાવી તેની સાથે દુષ્કર્મ આચરવામાં આવ્યું હોવાના આક્ષેપો સામે આવ્યા બાદ કાયદેસરની કાર્યવાહી કરવામાં આવી છે. આરોપીની ધરપકડ કરી લેવામાં આવી છે અને સમગ્ર મામલે વધુ તપાસ ચાલુ છે.