રાજસ્થાન: જિલ્લાના સુરજગઢ પોલીસ સ્ટેશન વિસ્તારના અગવાણા ખુર્દ ગામમાં કંપારી છોડાવે તેવી ઘટના સામે આવી છે. અહીં એક પતિએ પોતાની પત્નીની હત્યા કર્યા બાદ તેનો મૃતદેહ ઘરમાં રાખેલા સંદૂકમાં છુપાવી દીધો હતો. માહિતી મળતા જ સુરજગઢ પોલીસ ઘટનાસ્થળે પહોંચી હતી અને સંદૂક ખોલીને મહિલાનો મૃતદેહ બહાર કાઢ્યો હતો. આ ઘટનાના પગલે સમગ્ર ગામમાં સનસનાટી ફેલાઈ ગઈ હતી અને મોટી સંખ્યામાં ગ્રામજનો ઘટનાસ્થળે એકત્ર થઈ ગયા હતા. પોલીસે મૃતદેહનો કબજો લઈને પોસ્ટમોર્ટમ માટે મોકલી આપ્યો છે. આરોપી પતિની અટકાયત કરીને તેની પૂછપરછ શરૂ કરવામાં આવી છે. પોલીસ મૃતદેહને સંદૂક સહિત હોસ્પિટલ લઈ ગઈ હતી.