અમરેલી: અજાણ્યા વ્યક્તિને લિફ્ટ આપવી કેટલી જોખમી સાબિત થઈ શકે છે તેનો લાલબત્તી સમાન કિસ્સો અમરેલી જિલ્લાના લાઠી નજીક પ્રકાશમાં આવ્યો છે. ભુરખીયા જઈ રહેલા એક નિર્દોષ વૃદ્ધ પાસે લિફ્ટ માગીને તેમને બળાત્કારના કેસમાં ફસાવી દેવાની ધમકી આપી ખંડણી વસૂલતી આંતરજિલ્લા હનીટ્રેપ ગેંગનો લાઠી પોલીસે પર્દાફાશ કર્યો છે. ભાવનગર અને અમદાવાદ પોલીસની મદદથી ચલાવાયેલા સંયુક્ત ઓપરેશનમાં સુરતની આ શાતિર ટોળકીના ચાર આરોપીઓને દબોચી લેવામાં આવ્યા છે.