રાજકોટ સિવિલ હોસ્પિટલ: દર્દીને બહાર ફેંકી દેવાતા ચકચાર

આ ગંભીર મામલો ગરમાતા સિવિલ સુપ્રીટેન્ડેન્ટ મોનાલી માકડીયાએ સત્તાવાર નિવેદન આપતા જણાવ્યું છે કે, પ્રાથમિક તપાસ મુજબ જે તે વ્યક્તિ છેલ્લા બે-ત્રણ દિવસથી સિવિલ હોસ્પિટલ પરિસરમાં આંટાફેરા કરતો હતો. જોકે આ વાત ખરી છે કે નહીં એ બીજી વાત છે, પરંતુ દર્દી સાથે આવી રીતે દુરવ્યવહાર કેટલો યોગ્ય કહેવાય? તેવા સવાલો ઉભા થયા છે, ત્યારે સમગ્ર મામલે હોસ્પિટલના સીસીટીવી (CCTV) ફૂટેજ તેમજ જે તે વિભાગમાં ફરજ બજાવનારા કર્મચારીઓના નિવેદનો નોંધવાની પ્રક્રિયા હાથ ધરી, તપાસમાં જો કોઈ કર્મચારી કસુરવાર જણાશે તો તેની સામે કડક પગલાં લેવામાં આવશે. તેવી બાહેંધરી હોસ્પિટલ સુપ્રીટેન્ડેન્ટે આપી છે.

કડોદરાની સંજીવની હોસ્પિટલ: જીવતા યુવકને કફન ઓઢાડી સાઇડમાં મૂકી દીધો!

હોસ્પિટલની આ ઘોર બેદરકારી જોઈને પરિવારજનોનો શ્વાસ અધ્ધર થઈ ગયો હતો અને ભારે આક્રોશ સાથે તેઓએ યુવકને તાત્કાલિક સંજીવની હોસ્પિટલમાંથી બહાર કાઢ્યો હતો. ત્યારબાદ પરિવારે પોતાની વ્યવસ્થા કરીને વધુ અને તાકીદની સારવાર માટે યુવકને તાત્કાલિક સિવિલ હોસ્પિટલ ખસેડ્યો હતો. આ ઘટનાને લઈને મૃતકપ્રાય સ્થિતિમાં મુકાયેલા યુવકના પરિવારજનોમાં સંજીવની હોસ્પિટલ સામે ભારે રોષ ભભૂકી રહ્યો છે અને તેઓ ન્યાયની માંગ કરી રહ્યા છે. ત્યારે હાલ હોસ્પિટલોમાં આ ઘોર બેદરકારીના કિસ્સા સામે આવતા સ્થાનિક લોકોમાં ભારે ગુસ્સો જોવા મળી રહ્યો છે અને સમગ્ર મામલે ઉચ્ચ તપાસની માંગ ઉઠી રહી છે.